Nin dalxiise ah oo u dhashay dalka Shiinaha ayaa ku dhintay dalka Kenya kadib markii ay dishay jeer uu doonayay in uu sawir ka qaado, waxaa sidoo kale dhacdadan ku dhaawacmay nin kale oo Shiinees ah.
Dalxiisahan ay jeerto dishay oo lagu magacaabo Chang Ming Chuang oo 66 jir ah, ayaa la sheegay in isaga iyo nin kale oo la socday ay aad ugu dhawaadeen jeerta si ay sawiro uga qaataan xili ay ku sugnaayeen balliga Navisha ee 90km u jirta magaalada Nairobi.
Goobjoogayaal ayaa ku waramay in labada nin ee u dhashay Shiinaha ee jeertu u geesatay dhaawaca iyo dhimashada aad ugu dhawaadeen halka ay joogtay jeerta xili ay ku sugnaayeen meel ku dhow hotel Sopa.
Jeerta ayaa ah xayawaan halis badan oo dadka beegsada, waxaana la sheegaa in sanadkii jeerta Qaarada Afrika kaliya ku disho dad gaaraya 500-qof, Halista jeerta ayaana ah mid sii kordheysa.
Dalka Kenya waxaa sanad kasta taga dalxiisayaal badan oo caalamka ka yimaada, waxaana dalxiisayaasha booqdaan goobaha lagu xanaaneeyo xayawaanaadka si ay usoo daawadaan , waxaana Kenya Dalxiiska sanadkii kasoo gala lacag dhan 1.2 bilyan oo Dollar.
Xafiiska Shabakada Allbanaadir.com
Muqdisho Somalia
Allbanaadir@live.com
